Xhaka pas fitores ndaj Serbisë, vesh fanellën e shqiptarit nga Kumanova, veç pse shkruan Jashari

Granit Xhaka vazhdon të jetë protagonisti kryesor i kualifikimit të Zvicrës, pasi kjo e fundit sot mposhti Serbinë 3:2. Xhaka përçoi një mesazh të llojit të vet duke veshur fanellën e bashkëlojtarit shqiptar veç pse shkruan Jashari.

Ishte në mesin e shumë rrëmujave që u krijuan në fushë, por në çdo duel Xhaka doli fitimtar ndaj lojtarëve serbë.

Për fund, ai ia dhuroi një moment gëzimi vetes, duke përçuar një mesazh më shumë se simbolikë në momentin e shkrepjes së fotografisë të ekipit kombëtar helvet me rastin e festimit të kualifikimit.

Kësisoj, Granit Xhaka veshi fanellën e mesfushorit Ardon Jashari pikërisht për shkak të asaj çfarë simbolizon ky mbiemër për shqiptarët dhe për vetë historinë që është akoma e freskët.