Kryetari i Kuvendit Talat Xhaferi nuk mendon njësoj sikur kryeministri i Qeverisë Zoran Zaev për çështjen e legalizimit të marihuanës. Xhaferi thotë se në vendin tonë ende nuk janë krijuar kushtet për legalizimin dhe përdorimin individual të marihuanës.
“Në vend të cigares me pi kanabis, mendoj që nuk janë të krijuara parakushtet perceptuese të qytetarit tonë për këtë çështje dhe nuk janë krijuar parakushtet për legalizim të përgjithshëm të përdorimit individual”, deklaroi Xhaferi.
Por a do ta bllokonte BDI, këtë ligj në të ardhmen nëse propozimi për legalizim arrinë në Kuvend? Xhaferi me përgjigje:
“Bashkimi Demokratik për Integrim për ta penguar atë ligj nuk ka nevojë, për me ra Qeveria ka instrument në Parlament”, tha Xhaferi.
Kryeministri tashmë është i vendosur. Thotë se nuk është në rregull dikush të shkojë në burg për shkak se ka përdorur gjysmë grami kanabis natyral për përdorim personal.
“Në vitin 2021 planifikojmë ta zgjerojmë listën e diagnozave për të cilat është lejuar shërim me kanabis mjekësor, dhe të sigurojmë dekriminalizim të depenalizim të kanabisit për sasi të vogla për përdorim personal, sepse është e vërtetë ajo që e flasin aktivistët nga sektori qytetarë. Nuk është në rregull dikush të shkojë në burg për shkak se ka përdorur gjysmë grami kanabis natyral për përdorim personal në kohën kur në gjithë vendet e botës ky bari behët legal edhe për mjekësi edhe për zhvillim ekonomik”, deklaroi Xhaferi.
Zaev mori shembull shtetet si Kandaja, Çekia dhe Holanda të cilat sipas tij përfitojnë nga 55 miljardë dollarë nga dinamika e industrisë së kanabisit. Ndryshe në Maqedoni deri tani janë dhënë 59 licenca për përpunimin e kanabisit.