“Vozit i çlodhur” apelon MPB, vazhdojnë aksionet parandaluese të MPB-së dhe KRSKRr

Të gjithë pjesëmarrësit në komunikacion të jenë të përgjegjshëm, të vozisin me kujdes dhe në këtë mënyrë të mbesin të sigurt në trafik.

Ata që nuk do t’i respektojnë rregullat e komunikacionit, do të sanksionohen.

MPB dhe Këshilli Republikan për Siguri në Komunikacionin Rrugor vazhdojnë me aktivitetet parandaluese në suaza të fushatës “Vozit i çlodhur”.

“Ministria e Punëve të Brendshme dhe Këshilli Republikan për Siguri në Komunikacionin Rrugor vazhdojnë me aktivitetet e tyre me qëllim që të kemi siguri sa më të lartë nëpër rrugët e gjithë vendit. Kuptohet ndërmarrim masa parandaluese dhe represive. Në pjesën e masave parandaluese e zbatojmë fushatën “Vozit i çlodhur”, ku qytetarët i paralajmërojmë se duhet të respektohen rregullat e trafikut, por edhe se duhet të jemi të çlodhur kur drejtojmë makinë, sepse lodhja, sidomos temperaturat e larta, kontribuojnë për ulje të përqendrimit dhe rritje të numrit të fatkeqësive”, deklaroi Toni Angellovski, zëdhënës i Ministrisë së Punëve të Brendshme./TV21