Vlera e pajisjeve të shkatërruara – 1.4 milion euro! Avokati i Jankullovskës nuk beson se është dëmtuar arka e shtetit

TË FUNDIT

1.4 milion euro kanë kashtuar pajisjet e shkatërruara për përgjim në Drejtorinë për Siguri dhe Kundërzbulim. Këtë e dëshmon ekspertiza e ekspertit Xvonko Koçovski, në seancën gjyqësore për rastin “Target-Fortesa”.  Eksperti thotë se pajisjet para se të shkatërrohen kanë qenë funksionale dhe nuk kanë pasur defekte që do të kishin ndikuar për tu shkatërruar.

 “Nga unë u kërkua që ta llogarisë vlerën shfrytëzuese të sistemit. Termi, vlera e shfrytëzuesit do të thotë që sistemi ditën e shkatërrimit ishte funksional dhe kishte vlerë për shfrytëzuesin. Ajo vlerë përdorimi ka dallim  nga vlera e arkëtuar e cila është e ndryshme edhe nga vlera objektive”, tha Xvonko Koçovski – ekspert në operacionet financiare.

Pala mbrojtëse vazhdimisht thirrej në vlerësimet e MPB-së në vitin 2013 se sistemi ishte i vjetërsuar dhe për këtë arsye edhe është shkatërruar.

Avokati Vllatko Ilievski, njëkohësisht edhe burri i të akuzuarës Gordana Jankulloska, me nënshkrimin e të cilës si ish ministre e MPB-së është shkatërruar sistemi, beson se nuk ka dëmtim të arkës së shtetit me shkatërrimin e pajisjeve për përgjimin e komunikimeve.

 “Sigurisht që nuk ekziston dëmi sepse, siç thashë, nuk ka asnjë vlerë përdorimi i asaj pajisje dhe pretendimet e tilla të ekspertit, mund të them se janë paushall dhe nuk mbështeten nga asnjë parametër objektiv”, u shpreh Vllatko Ilievski – avokat i Jankullovskës.

Për pothuajse 5 orë, avokatët e palës mbrojtëse morën në pyetje ekspertin Xvonko Koçkovski, gjë për të cilën reagoi edhe prokurorja Lençe Ristevska, duke vlerësuar se avokatët po mundohen të zvarrisin procesin i cili është nga fundi. Të akuzuar në këtë rast janë ish-drejtori i DSK-së, Sasho Mijallkov, ish-ministrja e Punëve të Brendshme, Gordana Jankulloska dhe disa punonjës të ish-DSK-së të cilët akuzohen për përgjime të paligjshme të mbi 5 mijë numra telefoni ose rreth 20,000 qytetarë.