Ky është realiteti i një fëmije të që ka vështirësi në dëgjim, por që gjen mënyrën e tij të komunikimit përmes artit. Ai “flet” me laps, me penel, me çdo vizatim që krijon. Ky është vetëm një nga aktivitetet e nxënësve nga shkolla e mesme dhe qendra e resurseve “Partenija Zografski”.
-Çfarë të pëlqen më së shumti të vizatosh?
-Po portrete më shumë vizaton, sepse punoj dy vjet me të, kjo është një nga teknikat e tij të preferuara në art, gjithë kohës avancohemi dhe plani është që pasi të përfundoj shkollën e mesme të shkojë në akademinë e artit, tha Igor Kitanovski – profesor i artit figurativ.
Të jetosh më fëmijë me nevoja të posaçme është bekim na tha një prind, por sfidat janë të përditshme dhe të shumta.
“Ja sfida më e madhe është tani kur të përfundoj shkollën, çfarë pas moshës 26 vjeçe… nuk kemi ku t’i çojmë fëmijët, nuk kemi qendra ditore. Ne prindërit po sakrifikohemi për ta, japim shumë e pasi të përfundojnë shkollën ata mbesin në shtëpi, stagnojnë dhe është shumë vështirë. Duhet të gjendet një mënyrë që të kemi qendra ditore, punëtori që do t’i mblidhnin fëmijët, nuk është e thënë çdo ditë, të paktën tre herë në javët të shkojnë që fëmijët të mund të komunikojnë. Kjo është vështirësia më e madhe, brenga më e madhe sidomos pas vdekjes sonë”, theksoi Sonja Mlladinovska – prind.
Drejtoresha e shkollës, institucion që shënoi 70-vjetorin e themelimit, tha se është sfidë që funksionojnë si qendër dhe si shkollë. Çdo vit në shkollë ka rreth 50 nxënës, e ata që nuk janë nga kryeqyteti qëndrojnë në qendër.
“Sfida më e madhe për ne është se punojmë si qendër e resurseve, pra nga 1 shtatori, ne po ballafaqohemi me sfidën më të madhe, që pritej gjatë kohë, që të fillojmë me punë si shkollë shtetërore e mesme – qendër e resurseve. Ende po e bëjmë këtë rrugë ka sfida të ndryshme normalisht por shpresoj se do ta kalojmë këtë”, u shpreh Sllobodanka Xhipovska – drejtoreshë e shkollës.
3 Dhjetori shënohet si Dita Ndërkombëtare e Personave me Aftësi të Kufizuara në mbarë botë. Me këtë rast fëmijët e shkollës së mesme “Partenija Zografski” dhanë një shfaqe të cilën e ndoqi edhe presidentja Gordana Siljanovska Davkova, e cila vizitoi shkollën.