Vdes aktori shqiptar me bashkëshorten në Nju Jork, u hodhën nga ndërtesa

TË FUNDIT

Aktori shqiptar, Florind Belliu ka humbur jetën së bashku me bashëshorten e tij, pasi u hodhën nga kati i gjashtë i apartamentit ku jetonin në Nju Jork të Shteteve të Bashkuara.

Trupi i 35-vjeçarit dhe 28-vjeçares u gjetën në oborrin e pasëm të ndërtesës mëngjesin e së shtunës, shkruan New York Post.

Policia po heton të gjitha pistat e mundshme, ku nuk përjashtohet ajo e vetëvrasjes së dyfishtë.

Një burim policor tha për median amerikane se Belliu mund të ketë pasur probleme të shëndetit mendor, çka mund të ketë nxitur edhe incidentin që rezultoi fatal për të dhe bashkëshorten e tij.

Sipas dëshmisë të fqinjëve, çifti ishte gjithmonë i shoqëruar me njëri-tjetrin, por një ditë më parë, aktori është shfaqur i zemëruar.

“Mendova se mbase po ziheshin lart dhe ndoshta djali që po pastronte plehrat thirri policinë, pas pesë minutash erdhi policia. I kam parë gjithmonë duke blerë gjëra për shtëpinë, si çdo ditë së bashku, me dy fëmijë së bashku, nuk e kuptuam se kishte diçka që nuk shkonte.”, u shpreh njëra prej tyre.

Çifti kishte dy fëmijë, 6 dhe 2 vjeç dhe ishin vendosur në lagjen “The Bronx” Të Nju Jorket vetëm 3 muaj më parë.

Ende nuk dihen rrethanat se për cilat ishin arsyet që e shtynë çiftin për të ndërmarrë një akt të tillë.