Komisari i BE-së për Zgjerim dhe Fqinjësi të Mirë Oliver Varhej, pret nga Sofja që në afat prej tre javësh të pajtohet për fillimin e procesit të bisedimeve me Shkupin. Këto euorkomisari i shkoi në Twitter pas takimit me presidentin Bullgar Rumen Radev, kryeministrin Kiril Petkov dhe ministren e Punëve të Jashtme Teodora Gençovska.
“Vlefshmëria që të kemi Ballkan Perëndimor të qëndrueshëm dhe prosporues nuk ka çmim. Në këtë kontekst, kontribut i jashtëzakonshëm do të ishte mbajta e konferencës së përbashkët ndërqeveritare me Maqedoninë e Veriut dhe Shqipërinë. Duhet të punojmë së bashku në këtë. Për tre javë do të kthehem në Sofje për të gjetur bazë të përbashkët dhe mbështetje nga Bullgaria, për të filluar procesin negociues me RMV-në në qershor”, tha Oliver Varhej, Komisar i BE-së për zgjerim dhe fqinjësi të mirë.
E ndonëse komisari Varhej shkruan se së shpejti do të kthehet në Sofje për të gjetur zgjidhjen e përbashkët të pranueshme për hapjen e bisedimeve, kryeministri i Bullgarisë, Kiril Petkov, sot ripërsëriti procesin deri në marrjen e vendimit.
“Duhet thënë shumë qartë që unë si kryeministër nuk kam asnjë lloj angazhimi të pavarur. Nëse ndodh diçka rreth kësaj çështjeje, fillimisht duhet të jetë në bazë të Ministrisë së Jashtme, e cila informon Qeverinë, të kalojmë përmes Këshillit të Koalicionit në të cilin duhet vendoset, të shkojmë në Parlament, aty të zgjidhet dhe pastaj mund të ndërmerren angazhime”, tha Kiril Pektov, kryeministër i Bullgarisë.
Në 22 qershor Këshilli i Bashkimit Evropian, që përbëhet nga shtete anëtare, pritet të marr vendimin e radhës për nisjen e bisedimeve aderuese me Shkupin dhe Tiranën. Kontesti maqedono-bullgar edhe kësaj here mund ta mbajë peng Maqedoninë e Veriut, për shkak të votës “kundër” nga ana e Sofjes.