U pa nga Danimarka në Kroaci, ekspertët tregojnë se çfarë mund të jetë spiralja e ndritshme që u shfaq në qiell

Një spirale e ndritshme u shfaq në qiellin e natës në të gjithë Britaninë e Madhe dhe Irlandën dhe ekspertët e Shërbimit Meteorologjik Britanik shpjegojnë se shkaku i këtij fenomeni të pazakontë ka shumë të ngjarë tymrat e raketës SpaceX Falcon 9.

Fenomeni u vëzhgua nga Danimarka në Milano dhe spiralja ishte e dukshme për disa minuta para se të zhdukej, raportoi Sky News.

Spiralja është parë edhe në qiellin mbi Kroacinë , transmeton Index.hr.

Sipas ekspertëve, gazrat e ngrirë të shkarkimit nga shtresat e sipërme të raketës krijojnë forma në atmosferë ndërsa reflektojnë rrezet e diellit, duke i bërë ato të dukshme nga Toka.

Ky efekt ndodh kur karburanti i hedhur nga faza e sipërme e një rakete ngrin menjëherë në lartësi të madhe.

Raketa Falcon 9 u lëshua nga Florida të hënën rreth orës 17:50 me orën MB, si pjesë e një misioni të qeverisë amerikane.