Tuneli nën Kala duhet të presë ende! Qyteti i Shkupit akoma nuk ka shpallur tender të ri

Projekti i një tuneli nën kala, që duhet të lidhë rrugët te plastikat në Çair, me bulevardin Shën Klimenti i Ohrid në Qendër, duhet të presë, sepse nga Qyteti i Shkupit ende nuk është shpallur tenderi i ri për të zgjedhur kompani të re i cili do ta realizoj këtë projekt.

Qyteti i Shkupit diku nga muaji shtator ndërpreu kontratën e parë me kompaninë “Mega Inzhenering”, sepse nuk i përmbushi afatet për fillimin e punëve ndërtimore, ndërsa i pari i Qytetit të Shkupit, Petre Shilegov tha se po presin që deri në nëntor të sillet plani i detajuar urbanistik nga  Komuna Qendër dhe pas asaj do të shpallet tenderi.

 “Në vijim është sjellja e planit të detajuar urbanisitik nga ana e Komunës Qendër. Presim që të përfundoj dhe pas saj të shohim se si do të jetë rregullorja e paraparë në atë plan urbanisitik. Sipas informacioneve që unë i kam ajo duhet të sjellët deri nga mesi i muajit nëntor dhe pas saj në bazë të atij planit urbanistik të mund ose ta ndryshojmë rregulloren duke marrë parasysh se aty ura është shtrembër ose në bazë planit të detajuar urbanisitik ta shpallim tenderin”, tha Petre Shilegov – Kryetar i Qytetit të Shkupit.

Sipas vlerësimeve, ky projekt do t’i kushtojë qytetit rreth 30 milion euro, ndërsa u prezantua para dy viteve. U premtua se projekti do të jetë gati për 6 muaj, por pastaj afati ishte zgjatur edhe për 6 muaj shtesë  për shkak të kompleksitetit  dhe ishte paraparë që ky projekt të lëshohet në përdorim në vitin 2022. Sipas asaj që është paraqitur, rruga do të do të fillojë nga Bulevardi Shën Klementi i Ohrit dhe do të ngrihet në lartësi ndërmjet gjashtë dhe nëntë metra. Pastaj, nga ndërtesa e Qeverisë, trafiku do të zhvillohet në një urë të re mbi lumin Vardar, që do të jetë e gjatë 173 metra dhe 20 metra e gjerë dhe do të ketë katër korsi.