Nga Ministria e Punëve të Jashtme informojnë se pas aktiviteteve të ndërmarra transportuesve vendas u janë kthyer kamionët dhe malli i cili paraprakisht ishte sekuestruar nga autoritetet ukrainase, përcjell TV21.
“E njoftojmë opinionin se pas aktiviteteve të shumta të ndërmarra nga Ministria e Punëve të Jashtme dhe Ambasadat tona në Poloni dhe Ukrainë, si dhe falë bashkëpunimit të autoriteteve ukrainase, transportuesve të kamionëve në pikën kufitare ndërmjet Ukrainës dhe Polonisë – “Jagodine” iu kthyen kamionët e tyre dhe malli i transportuar, të cilat më parë ishin sekuestruar nga autoritetet lokale të Ukrainës”, thuhet në njoftimin e MPJ-së.