Jo vetëm 8 marsi, i gjithë muaji mars është një lloj fushate për të ngritur vetëdijen për rëndësinë e gruas në shoqëri dhe për të nxjerr në pah vlerat që ajo ka.
E tillë është edhe Almedina Ismajli, e cila është përzgjedhur nga Be your Boss, për të qenë pjesë e fushatës së grave që frymëzojnë dhe krijojnë rrethana të mira sociale.
Ajo merr pjesë në këtë fushatë me moton “Ti je më e rëndësishmja, bëje veten krenare”.
“Almedina Ismajli është një nga femrat që dominon hapësirën mediatike maqedonase. Ajo është shumë me ndikim në ekranet tona. Gazetare, prezantuese dhe influencuese e mediave sociale. Ajo është motivim për vajzat e reja nga Kumanova që të ndjekin dëshirat e tyre dhe për të ndërtuar urën mes qytetit të vogël të Kumanovës dhe ëndrrave të mëdha të tyre.”, shkruhet për të nga oraganizatorët e fushatës.
Be your Boss është një fushatë kushtuar grave në Kumanovë. Gratë sipërmarrëse, gra me vizion, që synojnë të frymëzojnë dhe krijojnë rrethana më të mira sociale. La Plaza Mall qëndron për barazinë multi-etnike, barazinë dhe realizimin e potencialit të plotë të grave. Fushata përfshin 11 gra, gra që po lënë një shenjë në qytet – por edhe duke ndërtuar një urë me të ardhmen. Le të jetë ky muaji mars një nxitje për të gjitha gratë që të mbështesin njëra-tjetrën. Ky muaj mars i kushtohet asaj! Këtë muaj mars, shijoni historitë frymëzuese të grave nga qyteti ynë!