“THEMELET E PËRBASHKËTA”: Ngjarje për promovimin e kontributit të shqiptarëve në pavarësimin e RMV-së

Këtë vit Republika e Maqedonisë së Veriut shënon 30 vjetorin jubilarë të pavarësisë dhe sovranitetit. 30 vitet e kaluara maqedonasit dhe shqiptarët kanë shkruar histori me kontributin e tyre në shoqëri dhe shtet. Gjatë rrugës së gjatë të krijimit të shoqërisë në të cilën jetojmë sot, kontribut të madh kanë edhe shqiptarët që jetojnë dhe veprojnë në Republikën e Maqedonisë së Veriut të cilët kanë lënë gjurmë në historinë e Maqedonisë me pjesëmarrjen e tyre në çdo segment të shtetit.

Jeta homogjene e kulturave të ndryshme që jetojnë në një tokë është arsyeja e jetës së njohur multikulturore të Maqedonisë, që paraqet përzierje e kulturave, gjuhëve, besimeve, veprimtarive, traditave të ndryshme, ndërsa funksionojnë në atë mënyrë që të përputhen të gjitha gjërat dhe të bëjnë produktin e sotëm, Republikën e Maqedonisë së Veriut.

Si pjesë e festës së 30 vjetorit nga pavarësia e Maqedonisë së Veriut, do të mbahen ngjarje gjashtë javorë për promovimin e projektit “Themele të përbashkëta” me temën: “Promovim i frymës dhe kulturës së popullit shqiptarë në krijimin e RMV nga ekzistimi e deri më sot”. Ngjarja fillon më 21.07.2021 në ora 18 dhe do të mbahet në oborrin e TV21. Ndërsa pesë ngjarjet tjera do të mbahen më 28.07, 04.08, 11.08, 18.08, 25.08 në kohën dhe vendin e njëjtë.

Gjatë ngjarjeve gjashtë javore, do të promovohen filma me metrazh të shkurtër që janë incizuar në shumë tema, siç janë: letërsi, film dhe teatër, sport, gjuhë, art figurativ dhe tradita shqiptare dhe bashkëjetesa, me personalitete të shquara shqiptare të cilët në sferat e tyre kanë dhënë kontribut në 30 vitet e fundit nga pavarësia e Republikës së Maqedonisë së Veriut.

Pas shikimit të filmit do të ketë panel debate në tema të ndryshme nga bashkëjetesa në RMV, siç janë: sfidat nga shoqëria multikulturore, zhvillimi dhe sukseset e shqiptarëve në Maqedoninë e pavarur, shenjat dhe gjurmët e Letërsisë shqiptare nga pavarësia e deri më sot. Ngjarjet do të mbarojnë me festë të vogël me koktej me muzikantë të shquar shqiptarë.