Shiu i dendur bllokoi disa rrugë në Tetovë, ndërsa situata më kritike ishte Reçice të Vogël e Brodec, Brodec s Shipkovicë. Banorët e këtyre zonave thonë se tërë natën kanë qenë pa gjumë nga droja që mund të ketë vërshime. Ata apelojnë tek komuna që të merr masa duke zgjedhur njëherë e përgjithmonë këtë problem.
“Situata ka qenë shumë e keqe realisht se ujë del atje lartë tek gypat ku hynë uji i përroit. Ka qenë uji në rrugë dhe për fat të mirë nuk pati prurje të mëdha me gur të madhej që të bëjë problem. Kemi qen disa herë te kryetari i komunës. Na ka premtu se jemi duke e bërë një projekt, mirëpo asnjëherë nuk na ka dhënë një definicion se kur do të behët”, tha një banor i Reçicës së Vogël.
“Shihet vetë kjo nuk është vetëm njëherë kjo është rregullisht kur bie shi këtë dëm. Tërë natën nuk kemi fjetur.
“Rëndë ka qenë pasi që u zunë gypat edhe ajo është , dëme në shtëpi nuk ka pasur.”
“Zgjidhja do ishte të lihet kanali hapur më mirë. Kalon poshtë, ajo duhet të bëhet dhe dy mbrojtëse, po se nuk i bëjnë nuk i bëjnë a duhet të bëhen dy mbrojtëse.”
Nga komuna e Tetovës thonë se kanë intervenuar në kohë dhe kanë pastruar kanalin në Reçicë, por edhe rrugën Shipkovicë-Brodec.
“Ne nga mëngjesi jemi në teren dhe është intervenuar. Mekanizmi është në rrugën Shipkovicë-Brodec edhe është liruar dhe bëhet pastrimi i tërësishëm i asaj pjesë dhe njëkohësisht, morëm informatë edhe në rrugën 146 mbi tregun e kafshëve, edhe atje kemi prurje, është bllokuar gypi dhe tash më veë uji është futur në kanalin e vet”, deklaroi Memet Jonuzi – komuna Tetovës.
Çdo herë kur ka të reshura të shiut këto zona janë më kritike, ndërsa kujtojmë se nga vërshimet e vitit 2015 kishte viktima njerëzish.