Tetovë, maska për t’mos u dënuar! Osmani: Nuk ka polic i cili mund të kontrollojë sjelljen individuale

Në Tetovë qytetarët po mbajnë maska për mbrojtje nga koronavirusi, por ka edhe prej tyre që fare nuk mbajnë.

Dënimet që i shqipton policia kanë bërë që në qytet kujdesi ndaj pandemisë me Covid 19 të jetë më i madh. Disa qytetarë që i pyetëm thonë se nuk kanë frikë nga virusi, ndërsa ata që mbanin maska thonë se të njëjtat i mbajnë që të mos marrin dënime.

Qytetar: “Nuk kam frikë unë asnjëherë,  por vdekje ka njëherë, ndërsa nga kjo jo.”

TV21: Maskën e mban nga frika nga sëmundja apo mos dënohesh ?

Qytetar: “Maskën më shumë e mbaj mos dënohem.”

Qytetar: “Besojmë, ne jemi habit, ndonjëherë besojmë, ndonjëherë jo, kemi frikë si nuk kemi .”

Qytetar: “Asnjëherë, unë besoj se ka një Zot dhe asgjë tjetër. 

TV21: Nuk mban maska se beson se nuk ka ?

Qytetar: “Po për atë.”

Qytetar: “Ka dhe nuk ka.

TV21: I besoni ju ?

Qytetar: Jo nuk besoj, frikë nuk kam.

TV21: Maskën pse nuk e mban ?

Qytetar: “E mbaj në xhep e mbaj”.

Koordinatori i shtabit të krizës Bujar Osmani gjatë ditës së sotme  ka qëndruar në komunën e Tearcës ku është takuar me kryetarin e kësaj komune dhe shtabin e krizës. Osmani thotë se tani është koha që shtabet komunale të marrin më shumë përgjegjësi dhe të ngritin vetëdijen e qytetarëve.

“Numrat e fundit, shtatë të vdekur brenda një nate 89 pozitiv dje, 50 sot  edhe atë kryesisht në zonat tona janë mesazhi  me i fuqishëm që duhet të nxitë  vetëdijen e gjithsecilit  se nuk ka shtet nuk ka polic i cili mund të kontrollojë  sjelljen  individuale në familjet tona  për tu mbrojtur përveç vetëdija e lartë për të kuptuar se  një sjellje e jona devijuese mund të shkaktojë vdekjen e më të afërmve”, tha Bujar Osmani, koordinator i Shtabeve të Krizës.

Në komunën e Tearcës gjatë ditës së sotme ka pasur edhe një rast pozitiv me çka  ka arritur në 24 numri i të infektuarve. Deri më tani jetë kanë ndërruar tre persona nga kjo komunë.