Tesla njeh kriptomonedhën Dogecoin, mundëson të blihen mallra me to

TË FUNDIT

Tesla, prodhuesi i makinave elektrike, i kryesuar nga miliarderi Elon Musk, ka filluar t’i lejojë njerëzit të blejnë mallra të markës duke përdorur Dogecoin, një kriptomonedhë e nisur fillimisht si shaka. Musk njoftoi zhvillimin në Twitter ditën e premte, një muaj pasi la të kuptohet që kriptomonedha do të pranohej për blerjen e produkteve që kompania e tij Tesla prodhon.

Lajmi e çoi vlerën e Dogecoin në rritje, megjithëse u rikthye më vonë në vlerat e mëparshme. Komentet e zotit Musk kanë lëvizur shpesh çmimet e monedhave dixhitale, duke përfshirë Dogecoin dhe Bitcoin. Vlera e Dogecoin u rrit me 14% në një moment dhe kjo erdhi një muaj pasi Musk tha se Tesla do të testonte tokenin dixhital si një opsion pagese.

Por vlera e tij u rrit me rreth 4000% vitin e kaluar, pjesërisht e nxitur nga promovimi i zotit Musk raporton “BBC”. Një investitor në token e ka quajtur atë “kripto e njerëzve” dhe tha se kompania e tij hapësinore SpaceX do ta pranonte atë si pagesë. Dogecoin nuk është e vetmja monedhë dixhitale që ka marrë vëmendjen e miliarderit.

Vitin e kaluar, çmimet e Bitcoin u rritën pasi Tesla tha se kishte investuar në monedhë dhe do të lejonte klientët të blinin makina me të. Por kompania më vonë e hoqi këtë ide. Elon Musk ka investuar në botën e Bitcoin por ka theksuar dhe shqetësimin e tij se sa energji duhet për të prodhuar monedhën. Dogecoin është aktualisht e vetmja monedhë dixhitale që pranon Tesla.

Artikujt e pranueshëm për blerje përfshijnë kopset e rripit të markës Tesla dhe automjetet e fëmijëve për të gjithë terrenin, të cilat aktualisht janë të shitura. 

MARKETING I PAGUAR POLITIK