Punonjësit që janë liruar nga puna bazuar në bazë të listës së vendosur të sëmundjeve kronike, nga e mërkura, 23 shtator i vitit 2020, duhet të kthehen në vendet e tyre të punës dhe të kryejnë rregullisht detyrat e tyre, vendosi Qeveria në seancën e sotme.
Sipas shërbimit për shtyp të Qeverisë, përjashtimet e vetme për këtë do të jenë personat (pacientët) tek të cilët sëmundja është në një fazë përkeqësuese dhe ata me sëmundje malinje për të cilët do të jepet vërtetim dhe mendim nga mjeku specialist. Bazuar në vërtetimin e tillë, këta persona do të përdorin pushim mjekësor, në përputhje me rregulloren përkatëse të Fondit të sigurimeve shëndetësore të Republikës së Maqedonisë së Veriut.
Që nga e mërkura, 23 shtator, njerëzit që kanë përdorur leje të zgjatur të lindjes duhet gjithashtu të kthehen në punë. Mundësia e përdorimit të kësaj mase për pushim të lehonisë të zgjatur nuk vlen më.
“Punonjësit e mbetur që aktualisht mungojnë me të drejtë në punë për shkak të përdorimit të pushimit të rregullt të lehonisë, të kthehen menjëherë në punët e tyre dhe në kryerjen e rregullt të detyrave të punës pas skadimit të lejes së lindjes”, thuhet në vendim.