Të punësuarit e “Kolska” protestojnë para Qeverisë! Nuk punon fabrika e vetme për riparimin e trenave

74 të punësuar në fabrikën “Kollska” në Veles protestuan para Qeverisë. Xhirollogaria e tyre është e bllokuar për shkak të tatimit të papaguar. Të punësuarit tashmë dy muaj nuk kanë marrë rrogë edhe pse kanë fatura për realizimin e pagesës. Kërkojnë që të debllokohet xhirollogaria që fabrika të mund të punojë pa pengesa. Pyesin se si është plani, nëse fabrika do të vazhdojë me punë ose po përgatitet falimentim?

“Ja tashmë dy orë po qëndrojmë para qeverisë duke pritur përgjigje nga kompetentët që të zhvillojmë takim, por askush nuk na ka thirrur. Problemet në “Kolska” prolongohen tashmë 20 vjet dhe assesi të zgjidhen, tani situata e arriti kulmin. Me xhirollogari të bllokuar jemi mbi 9 muaj. Nuk kemi mjete për repromateriale”, theksoi Toni Arsovski, kryetar i Organizatës Sindikale të “Kollska”.

Të punësuarit thonë se nuk kërkojnë rritje të rrogave, por mënyrë se si të marrin rrogë. Duhet të rregullojnë mbi 20 vagonë për mallra të hekurudhave të Maqedonisë, një për pasagjerë, cisterna, por me xhirollogari të bllokuar nuk mund të funksionojnë. Ata propozojnë:

“Për momentin kërkojmë që borxhi ndaj DAP-it të ngrihet që të mundemi me ato para që i kemi të blejmë materiale për t’i rregulluar vagonët e hekurudhave të Maqedonisë dhe të vazhdojmë të paktën 5-6 muaj me punë në këtë kohë krize. “Kolska” si subjekt të pavarur nuk mund të funksionojë. Të bashkohemi me një filial të Hekurudhave të Maqedonisë”, tha Toni Arsovski, kryetar i Organizatës Sindikale të “Kollska”.

Të punësuarit i ka pranuar në takim zv/kryeministri për çështje ekonomi, Fatmir Bytyqi, i cili u premtoi ndryshim të udhëheqësit, ndërsa pastaj kanë biseduar edhe për problemet e tjera.

“Ja sot kemi protestë para qeverisë të ndërmarrjes Kollska, erdhën të punësuarit megjithatë drejtori nuk është askund, nuk erdhën anëtarët e bordit drejtues. Ata duhet të jenë me punëtoret. Ne si qeveri i kemi dhënë 35 milionë denarë kësaj ndërmarrjeje. Mjetet financiare janë shpenzuar, të punësuarit nuk kanë rrogë, për shkak se janë shpenzuar për shpenzime tl tjera, por kur i pashë raportet, nëse është ulur borxhi gjatë periudhëa së kaluar, nëse është rritur prodhimtaria, nëse janë ulur shpenzimet, nuk janë. Andaj propozova që edhe drejtori edhe ekipi i menaxhuesve të shkarkohen”, pohoi Dimitar Kovaçevski, kryeministër.

Aktualisht fabrika e vetme për riparimin e mjeteve hekurudhore të pasagjerëve dhe mallrave nuk është në gjendje të punojë dhe nëse kjo situatë do të vazhdojë edhe në të ardhmen, do të duhet të riparohen në vendet e huaja, gjë që do të kushtojë më shumë. Nga Ministria e Transportit dhe Lidhjeve thonë se nuk janë kompetentë për problemin konkret me xhirollogarinë e bllokuar.