Pesë pacientë që po trajtohen në Lubjanë dhe Beograd janë ende në gjendje kritike, njoftoi ministri i Shëndetësisë Arben Taravari. Numri i personave që marrin kujdes shëndetësor jashtë vendit është 115, por disa prej tyre pritet të kthehen në shtëpi javën e ardhshme. Autoritetet po përgatisin protokollet e pritjes. Ministri u pyet se çfarë mësimesh ka nxjerrë sistemi shëndetësor vendas nga tragjedia, ndërsa Taravari u përgjigj se duhet të bëhen investime të mëtejshme në objektet shëndetësore.
“Sistemi shëndetësor arriti ta përballojë relativisht mirë këtë situatë, i gjithë ekipi, normal… me të gjitha dobësitë dhe mangësitë që kemi. Numrat flasin vetë, ka 0 vdekje, kjo do të thotë shumë për ne”, tha Arben Taravari.
55 të lënduar po trajtohen në spitalet vendase, të cilët janë në gjendje të qëndrueshme. Nëntë pacientë pritet të dalin nga spitali në fillim të javës, pasi t’u bëhen analizat toksikologjike dhe psikologjike. Dhjetë pacientë janë në spitalin e qytetit.
“Nga dhjetë pacientë, gjashtë janë nënshtruar tashmë transplantimit të lëkurës, sepse ata pacientë kishin shkallën më të lartë të djegieve të shkallës së tretë. Vazhdojnë fasho të rregullta për pacientët e tjetër”, tha Nebojsha Nastov.
Megjithatë, ministri Taravari theksoi se pavarësisht lajmeve pozitive, sistemi duhet të jetë i kujdesshëm, pasi gjendja shëndetësore e disa pacientëve mund të ndryshojë.