Taravari: BDI nuk do të protestojë, kanë ftohtë! Kryesia e BDI-së nga nesër do të mbajë takime me qytetarët

BDI ka ndërruar mendje për mbajtjen e protestave për shkak se moti është i ftohtë – kështu ministri i shëndetësisë, Arben Taravari ironizoi vendimin e integristëve që u soll në takimin e djeshëm të kryesisë së partisë që në të ardhmen të mbajnë takime me qytetarët. Taravari i porositi edhe që ta reformojnë partinë.

Në takimin e djeshëm të Kryesisë qendrore të BDI-së është vendosur që të pranohet nisma e degëve për fillimin e takimeve me qytetarët që do të fillojnë nga nesër, ndërsa do t’i mbajë udhëheqja më e lartë partiake. Sekretari i përgjithshëm i BDI-së në Click Plus në TV21, Faton Ahmeti, tha se BDI çdoherë i ka dakorduar veprimet e veta me bazën partiake dhe popullin edhe pse thotë se partia nuk ka paralajmëruar protesta, megjithatë tha se nuk bie mundësia që të protesta të ketë.

Në konkluzionet e djeshme të kryesisë, BDI përsëri vlerësuan se ndarja e Maqedonisë nga pakoja me Shqipërinë në rrugën eurointegruese është lajm i keq dhe theksuan se BDI i mbështet ndryshimet kushtetuese, si dhe haptas i bënë thirrje Qeverisë që të ngrit procedurë për sjelljen e tyre.