Talebanët kanë mbetur “të zemëruar” dhe “të tradhtuar” pasi zbuluan se SHBA-ja kishte paaftësuar helikopterët ushtarakë dhe aeroplanët para largimit të tyre nga Kabuli.
Trupat amerikane ‘demilitarizuan’ 73 avionë para nisjes së tyre këtë javë, sipas komandantit të misionit të evakuimit të SHBA, gjeneralit Frank McKenzie.
Por talebanët kishin “pritur që amerikanët të linin helikopterë për t’u përdorur”, sipas një reporteri të Al Jazeera që vizitoi aeroportin pas tërheqjes, transmeton tv21.tv.
Talebanët po shpresojnë që brenda ditëve të funksionojë ana komerciale e aeroportit, e cila mund të lejojë afganët të fluturojnë jashtë vendit me viza.
Së bashku me avionin, SHBA ka lënë edhe 70 automjete të blinduara.
Forcat Ajrore Afgane operonin me 167 avionë, përfshirë 108 helikopterë dhe 59 avionë, sipas një inspektimi zyrtar të qeverisë amerikane më 30 qershor.
Nëse islamistët do të mund t’i përdornin avionët, kjo u jep atyre më shumë fuqi ajrore sesa 10 nga 30 anëtarët e NATO -s, përkatësisht: Shqipëria, Bosnja, Estonia, Islanda, Letonia, Lituania, Luksemburgu, Mali i Zi, Maqedonia e Veriut dhe Sllovenia.
Në krye të NATO-s janë Shtetet e Bashkuara me më shumë se 13,000 avionë, e ndjekur nga Franca me 1,057, Turqia me 1,056, Italia me 876 dhe Mbretëria e Bashkuar me 738./21Media
