Stop ndërtimit të ndërtesës 17 katëshe në Gjorçe Petrov dhe revidim të planit të detajuar urbanistik i cili parasheh ndërtim të një ndërtese prej 58 metrave, kërkoi Nisma kundër ndërtimeve joligjore. Ata sot dorëzuan kërkesë deri te kryetari Aleksandar Naumovski dhe Këshilli që të ndalen me ndërtimin e ndërtesave shumëkatëshe në dëm të gjelbërimit, gjë që e mundëson Plani Detal Urbanistik “Veriperëndimor – 24”.
“Pas protestave të së shtunës vendosëm që përsëri t’u drejtohemi organeve të komunës për tre pika. Së pari: Ulje e lartësisë së ndërtesave dhe shfuqizim të dispozitës që lejon lartësi prej 58 metrave ose 17 kate. Së dyti: Të ulet hapësira ndërtimore bruto e cila tani është mbi 90 mijë metra katrore dhe 800 banesa. Së treti: Ulje të vëllimit të hapësirës ndërtimore dhe rritje të hapësirave të gjelbra. Presim që kryetari dhe Këshilli i Komunës së Gjorçe Petrovit ta pranojnë kërkesën tonë në seancën e ardhshme të Këshillit”, tha Goran Kostov – Nisma kundër ndërtimeve joligjore në Gjorçe Petrov.
Përmes kumtesës nga Komuna thanë se PDU është përpiluar sipas planeve të nivelit më të lartë duke ofruar koncept për nevojat e komunës. Njëkohësisht shtojnë se ende nuk është lëshuar leje për ndërtim.
“Parametrat të lejuara numerike për parcelë ndërtimore nuk lejojnë ndërtim në të gjithë hapësirën me lartësi prej 58 metrave. Është parashikuar lartësi prej B deri B+17 ku hapësira ndërtimore maksimale kushtëzon se me B+17 mund të realizohet vetëm një pjesë të vogël të hapësirës. Qarkullimi i ajrit absolutisht nuk do të pengohet. Në 4257m2 planifikohet park publik në zonë e cila është jashtë parcelave ndërtimore”, thonë nga Komuna e Gjorçe Petrovit.
Banorët e lagjes Gjorçe Petrov të shtunën dolën në protestë kundër planeve të komunës për të lejuar ndërtim të ndërtesës 17 katëshe në zonën Juria. Nga Komuna sigurojnë se kërkesa e Nismës do të shqyrtohet.