Në orët e hershme të mëngjesit hangari i aeroportit sportiv të Shkupit po bëhet gati.
Aeroplanët po bëhen gati për të fluturuar.
“Është ora 4:30 e mëngjesit dhe këtu po bëhen gati aeroplanët për spërkatjen e mushkonjave”, Afrim Jonuzi, gazetar.
Janë dy aeroplanët që do të bëjnë dezinsektimin e mushkonjave.
Më pas vjen edhe preparati kundër mushkonjave.
“Tani po bëhen edhe përgatitjet e para për spërkatjen mushkonjave. Këtu po përzihet preparati me ujë dhe do të jetë për pak gjithçka gati”, Afrim Jonuzi, gazetar.
Preparati duhet të përzihet me ujë që i bije një litër preparat dhe 4 litra ujë.
“Në qendër të qytetit bëhet spërkatja e 15-18 mijë hektarë në dy ditë”, tha Dejan Sazovski.
Gjithçka është gati dhe pritet të lind dielli.
Gazetarët do ta ndjekin fluturimin me një aeroplan tjetër sportiv.
Motorët u ndesen dhe aeroplanët fluturuan mbi qiellin e pastër të mëngjesit në Shkup.
Dezinfektimi i mushkonjave bëhet herët në mëngjes me lindjen e diellit, kur, sipas ekspertëve, është koha më e mirë pasi mushkonjat janë të uritura dhe kërkojnë ushqim.
Sipas ekspertëve ky preparat dezinsketues është një ndër më të mirët në treg.
Spërkatja e mushkonjave duhej të bëhej gjatë ditës së djeshme, por për shkak të reshjeve të shiut u bë sot.
Dezinsektimi do të vazhdojë edhe nesër ndërsa apelohet që bletarët të kenë kujdes dhe t’i ruajnë bletët gjatë spërkatjes.