Spasovski nuk jep dorëheqje pas arratisjes së Mijallkovit, ja pse

TË FUNDIT

Ministri i Punëve të Brendshme, Oliver Spasovski nuk do të japë dorëheqje pasi nuk ndjen përgjegjësi në arratisjen e të akuzuarit kryesor në rastin “Target-Fortesa”, Sasho Mijallkov.

Ai thotë se që të ndjej përgjegjësi, duhet të ketë bërë lëshime. Shpreh bindjen se MPB ka vepruar ndaj të gjitha udhëzimeve.

“Që të ndjeni përgjegjësi për diçka, ju duhet të bëni një lëshim me qëllim apo të mos veproni ndaj këtyre udhëzimeve që u dhanë. Sipas kronologjisë së ngjarjeve, e shihni se Ministria e Punëve të Brendshme ka vepruar menjëherë nga momenti i marrjes së informacioneve tona”, tha Spasovski, transmeton TV21.

Moskapjen e Mijallkovit sheh si lëshim në mosfunksionimin e sistemit.

Dorëheqjen e Spasovksit e ka kërkuar opozitarja VMRO-DPMNE, ndërkaq koalicioni Aleanca për Shqiptarët dhe Alternativa kanë paralajmëruar interpelancë.

TË NGJAJSHME