Spasovski: Do te habiteni se kush janë te involvuar ne këtë krim, nga MPB te gjykatat, prokurori….

Ministri i Punëve të Brendshme, Oliver Spasovski, në një konferencë për shtyp mbrëmjen e sotme ka dhënë detaje lidhur me aksioni që u realizua sot në Gërçec të Sarajit dhe zona të tjera të Shkupit. Ai tha se në këto grupe kriminale janë të involvuar shumë institucione, duke filluar nga MPB-ja, agjenci, ministri, gjykata, prokuroria publike etj. Ai shtoi se nuk duhet të habitemi në periudhën e ardhshme kur të zbulohen emrat, se pikërisht ata që thoshin “hajduti”, janë vetë hajdutët e “involvuar” në këto grupe kriminale.

“Janë të involvuar shumë institucione, edhe nga MPB-ja, nga agjencitë e tjera, edhe në ministri, në gjykata, në Prokurorinë Publike, ka shumë të involvuar. Ndoshta do të çuditeni në periudhën e ardhshme, kur të bëhet e ditur se të gjithë ata që thoshin se ja ku është hajduti, të dalë se ishin vetë ata hajdutët.”- tha Spasovski.

Spasovski po ashtu potencoi se lufta kundër grupeve kriminale do të vazhdojë edhe pasi ai nuk do të jetë më ministër, pasi kolegët e tij do të vazhdojnë punën me të njëjtin përkushtim dhe këtu nuk do të merret parasysh askush, qofshin edhe partitë politike në pozitë apo opozitë.

“Lufta kundër grupeve kriminale nuk është puna e pozitës apo e opozitës, edhe këtu nuk më intereson LSDM-ja, BDI-ja, VMRO-ja, e kushdo qoftë tjetër, më interesojnë kolegët që punojnë. Unë sot mbajta preskonferencë dhe dhashë emrin e gjithë ekipit të MPB-së, që punojnë prej vitesh për të arritur këtë rezultat, dhe nuk kam asnjë dyshim se do të vazhdojnë intensivisht punën e tyre për çdo rast dhe çdo grup kriminal. Nuk ka të bëjë qeveria teknike apo jo, që mund tra ndalojë këtë.”- shtoi Spasovski.