Sot 7 Marsi, Dita e Mësuesit

Dita e Mësuesit është një festë e cila i kushtohet mësimdhënësve, në shkolla dhe universitete.

Shtatë marsi e ka zanafillën e hershme, që kujton themelet e para të shkollës shqipe. Ka filluar të kujtohet që kur shteti shqiptar vendosi që kjo ditë të jetë festë në shenjë përkujtimi të themelimit të të parës Mësonjëtore shqipe, në Korçë.

Mësonjëtorja e parë shqipe në Korçë u themelua në mars të vitit 1887.

Festa e mësuesit në rrafshin kombëtar shërben për t’i vlerësuar traditat më të mira të shkollës shqipe, pa dyshim edhe figurën e nderuar të mësuesit, por edhe të gjithë punonjëseve të arsimit, si edukatorë të brezit të ri dhe si kontribuues të zhvillimit dhe përparimit të shoqërisë shqiptare.

Dita e Mësuesit festohet në të gjitha trevat shqiptare si një ngjarje me rëndësi dhe ku të gjithë kujtojnë mësuesit e parë të shkronjave shqipe.
Kjo ditë shënohet tradicionalisht me aktivitete të ndryshme edhe në Maqedoninë e Veriut, në Kosovë, Shqipëri dhe të gjithë trevat ku flitet shqip.