Softuer shtetëror për kontroll të çmimeve! Qytetarët me një klikim do të mund të zgjedhin se ku do të blejnë

Shteti do të “vizatojë” udhëzime për marktetet se si në ueb faqet e tyre t’i njoftojnë qytetarët rreth çmimeve të produkteve. Kjo duhet të jetë një përmirësim i rregullores që hyri në fuqi më 18 prill, e cila kërkon që të gjitha marketet, si dhe barnatoret dhe shitësit e pajisjeve elektrike me mbi 10 punonjës, të njoftojnë publikisht dhe në mënyrë transparente çmimet e produkteve çdo ditë, jo më vonë se ora 10:00.

“Pra, e keni parë se çfarë lloj manipulimesh keni nga marketet më serioze në vend kur publikojnë tabela në Excel të diçkaje që duhet të jetë kryesisht për konsumatorët, për klientët e tyre besnikë. Kjo është arsyeja se pse jemi në proces të ndryshimit të rregulloreve që janë të detyrueshme sipas atij ligji, dhe praktikisht do të hartojmë një plan se si duhet të duken ato faqe interneti, dhe vetë shteti do të financojë softuer ku këtyre tregjeve do t’u kërkohet të fusin parametra duke përdorur një gjuhë të caktuar universale programimi. Shteti duhet ta gjenerojë atë softuer dhe të krijojë një hapësirë ​​ku qytetarët mund të shohin me një klikim, për njësi produkti, domethënë, për një produkt të caktuar, se ku është çmimi më i ulët”, tha Bojan Stojanovski,  deputet i VMRO-DPMNE-së.

Përndryshe, që nga fillimi, kur Ministria e Ekonomisë miratoi rregulloren për publikimin e çmimeve, ishte e dukshme se vetë tabelës i mungonte një kolonë që do të lejonte ndjekjen e çmimit të vjetër me çmimin e ri, domethënë, të krahasohet çmimi i djeshëm me çmimin e sotëm.

TABELË PËR PUBLIKIMIN E ÇMIMEVE:

Me këtë qytetarët nuk mund t’i ndjekin ndryshimet e çmimeve në markete, për shkak se duhet të kenë qasje në listën e çmimeve të djeshme, ta hapin listën e sotme dhe me kontroll manual të mbi mijëra produkteve të kontrollojnë nëse një produkt i caktuar është më i shtrenjtë ose më i lirë krahasuar me ditën e djeshme.

Stojanoski nuk paralajmëroi se kjo gjë do të ndryshojë, por theksoi se më e rëndësishme për ta është që qytetarët të mund t’i kontrollojnë çmimet në markete. Ai po ashtu paralajmëroi se nëse marketet bëjnë truqe dhe punojnë kundër interesave të qytetarëve duke e manipuluar Ligjin për praktika të drejta tregtare, shteti do të pengoj rritjet e palogjikshme të çmimeve, duke vendosur përsëri masa deri në fund të vitit.