Sllovenia fillon testim masiv në mënyrë që të dihet numri i vërtetë i të infektuarve me koronavirus

TË FUNDIT

Qeveria sllovene kumtoi se plotësisht do ta intensifikojë testimin për koronavirus sepse dëshiron të fitojë pasqyrë reale për atë se sa qytetarë janë të infektuar.

Siç lajmëroi korrespondenti i MIA-s nga Lubjana, testimet plotësuese do të bëhen në të gjitha rajonet e shtetit dhe do të përfshihen të gjitha kategoritë e moshës. Gjatë zgjedhjes së personave të cilët do të testohen, nuk do të jetë me rëndësi se në çfarë gjendje shëndetësore janë.

Rezultatet nga këto testime masive do të jenë vendimtare për dinamikën e heqjes graduale të kufizimeve të sjella për shkak të epidemisë.

Përndryshe, Sllovenia edhe deri më tani ishte një nga vendet me numër më të madh të testimeve për kokë banori. Në vendin me dy milionë qytetarë janë bërë pothuajse 40.000 testime për koronavirusin.

error: Content is protected !!