Sindikata e Policisë Pyjore largohet nga KOSM! Punonjësit pa zgjidhje – anëtarësimi u rrit, çregjistrimi i pamundur

Sindikata e pavarur e policisë pyjore nuk është më pjesë e Konfederatës së Organizatave Sindikale të Maqedonisë.

Fajin për këtë e hedhin te Ministria e Bujqësisë, për të cilën thonë se e ka sjellë punën që sindikata e policisë pyjore të largohet nga Konfederata

“Nuk e dimë se si ka dalë! Mënyra e daljes së tyre është jo transparente, e paligjshme dhe ne nuk mund ta udhëheqim në kornizat e konfederatës, nuk mundet ajo sindikatë të del para njerëzve publikisht dhe të tregojë që është anëtare e konfederatës dhe t’i shfrytëzojë emblemat e Konfederatës”, tha Goce Dellçev – Todev – Sekretar i Përgjithshëm i KOSM.

Todev për tej tha se punonjësve u është rritur kuota e anëtarësimit në sindikatën e policisë pyjore dhe nuk kanë mundësi të çregjistrohen. Sipas tij, anëtarët e kësaj sindikate sektoriale nuk janë të kënaqur me udhëheqësinë e re dhe po mbahen peng. Edhe polici pyjor Ferdi Aliu u shpreh se kanë dorëzuar kërkesë për çregjistrim nga sindikata, por deri tani nuk kanë marrë asnjë përgjigje.

“Ne si polici pyjore as nuk e dinim se po shtrenjtohet anëtarësimi. Pse kjo po bëhet kështu, e flasin “banditë” ajo e kjo… urgjentisht duhet ministri të ndërmarrë masa për këtë punë dhe për të gjitha kompetencat e policisë pyjore”, u shpreh Ferdi Aliu nga Policia Pyjore.

Aliu kërkoi që ministri i Bujqësisë urgjent të merr për këtë çështje dhe që Policia Pyjore të kthehet te KOSM-i. Pyetëm ministrin për këtë çështje, por përgjigje nuk morëm.