Si do të ligjërohet online nga klasa? Bllokohet platforma nga interneti i dobët

TË FUNDIT

Shkolla “Nevenka Georgieva” në Kisella Vodë ishte bërë gati që të fillojë mësimin nga 1 tetori. Për mësimin me prani fizike kishte vendosur dezinfektues, kishte ndarë bankat dhe ka ndarë klasat në dy grupe. Për mësimin online kishte furnizuar mësuesit me kompjuterë, i ka trajnuar për platformën nacionale dhe tashmë ka edhe smart – tabela. Por, platforma sërish po bllokohet, për shkak internetit të dobët. (6012/6013/6014)


“Pak bllokohet interneti, di të bllokohet interneti”

Nadica Markovska: “Kemi mësim me prani fizike dhe një pjesë e fëmijëve do të jenë online”.
Do të thotë ata janë fëmijët që nuk kanë pranuar të jenë me prani fizike?
Nadica Markovska: “Po, Po”.
Ju do të ligjëroni nga kjo klasë?
Nadica Markovska: “Po, po. Klasën e kam ndarë në dygrupe. Sepse janë 28 nxënës. Dy grupe i kam me prani fizike dhe 7 fëmijë do të jenë online”

Për të parë kushtet ministrja e Arsimit dhe Shkencës, Milla Carovska kishte marrë me vete edhe zëvendësministrin Arafat Shabani dhe kryetarin e Sindikatës për Arsim, Shkencë dhe Kulturë Jakim Nedelkov. Ky i fundit edhe nga kjo shkollë alarmoi për mësuesit tjerë që nuk kanë kompjuterë dhe internet në shkolla?


“Në këtë rast, nëse nuk kemi me çfarë të punojmë. Si do të punonim? Pyetja është e logjikshme, dhe përgjigjja është e logjikshme”, tha Jakim Nedellkov – kryetar i SASHK-ut.


“Komunat dhe drejtorët janë përgjegjës që të sigurojnë atë infrastrukturë, sërish udhëheqësia është aty”, u shpreh Milla Carovska – Ministre e Arsimit dhe Shkencës.

Ndërkaq zëvendësministri Shabani premtoi se do t’i vizitojë edhe komunat shqiptare.

 “Unë shpresoj që t’i vizitojë sa më shpejtë të gjitha komunat në Maqedoninë e Veriut, posaçërisht komunat shqiptare që prej dorës së parë, kryetarëve të komunave t’i marrim problemet aktuale”, deklaroi Arafat Shabani – Zëvendësministër i Arsimit dhe Shkencës.

Ka shkolla që nuk u kanë siguruar fare kompjuterë mësuesve. TV21 dje tregoi për mësuesin Satki Ismaili i cili kishte harxhuar 12 mijë denarë për të blerë laptop, ndërkaq për shumë të tjerë ka alarmuar edhe Sindikata. Për këtë është në dijeni edhe Carovska, por nuk jep zgjidhje se nëse do ta zgjidh problemin dhe as nuk tregon se për sa do të rriten bllok donacionet për shkollat të cilat duhet të furnizohen me internet më të shpejtë.