Në Shqipëri në 24 orët e fundit ka 490 të sapoinfektuar me Kovid-19, shtatë të vdekur dhe 93 u shëruan.
Sipas Ministrisë së Shëndetësisë dhe Mirëqenies Sociale, virusi i rrezikshëm është diagnostikuar nga 2.508 testime.
Që nga fillimi i pandemisë, janë kryer gjithsej 150.740 teste, 26.701 persona janë pozitivë ndaj virusit, 12.677 kanë fituar betejën me virusin, ndërsa 605 e kanë humbur atë.
Përveç gjykatave, Qeverisë, Kuvendit, shërbimeve të tjera dhe qeverisë lokale të disa komunave, numri i arsimtarëve të infektuar po rritet, në shkollat fillore dhe të mesme, ku mësimi zhvillohet me prani fizike.
Që nga 14 shtatori, kur filloi viti i ri shkollor, të paktën 100 arsimtarë dhe staf teknik janë infektuar, tetë kanë vdekur dhe pesë janë shtruar në spitalet kovide në Tiranë.
Siç informoi Ministria e Arsimit, një mësuese vdiq sot nga koronavirusi në qytetin e Fierit, ndërsa dje vdiq shefi i njësisë arsimore rajonale në qytetin e Gramshit.
Për shkak të përkeqësimit të situatës në nivel shtetëror, nuk përjashtohet mundësia e fillimit të onllajn mësimit, për të cilat, sipas Ministrisë, tashmë është kryer trajnimi i nevojshëm me stafin mësimor.