Shkupi e shënon Ditën e Çlirimit! Ish-luftëtarët përkujtuan luftën

U bënë 76 vjet që nga çlirimi i Shkupit në Luftën e Dytë Botërore. Më 13 nëntor të vitit 1944, luftëtarët nga divizioni i 42-të dhe 50-të nacionalçlirimtar i ushtrisë së Maqedonisë dhe brigada e 16-të maqedonase çliruan Shkupin nga pushtimi fashist.

Veteranët e luftës Çlirimtare Popullore së bashku me delegacionin qeveritar dhe të qytetit të Shkupit vendosën lule në shenjë nderi tek përmendorja e çlirimtarëve. Trajko Stamatoski, njëri prej veteranëve të luftës tha se nuk duhet lejuar që të mohohet sakrifica e partizanëve.

“Ne luftëtarët jemi të ndjeshëm kur nënçmohet dhe mohohet Lufta Çlirimtarë Popullore. Ne luftëtarët e dimë shumë mirë së kundër kujt kemi luftuar dhe me sa viktima. E kujtoj luftën e gjeneralit Mihajlo Apostolski i cili ushtrisë bullgare nuk i lejoi të hyjë në Shkup”, tha Trajko Stamatoski, kryetar i Bordit të Qytetit të Lidhjes së luftëtarëve Lufta çlirimtare popullore.

“Për luftë është i gatshëm edhe shoku edhe shoqja. Nga armiku i keq, në luftë jo të drejtë ranë shokë për popullin e tyre”, u shpreh ish-luftëtari Zhivko Vidovski.

Kryetari i Qyteti të Shkupit, Petre Shilegov, tha se në këtë luftë kanë humbur jetën 4654 bashkëqytetarë prej të cilëve 956 ishin luftëtarë.

“Ne në luftë ishim në anën e vërtetë. Jemi krenar me historinë tonë, nuk kemi asnjë lloj komplekse  nga e kaluara jonë”, tha i pari i Shkupit.

Shilegov paralajmëroi se ura e re që po ndërtohet në qytetin e Shkupit do të mbajë emrin e gjeneralit Mihajlo Apostollski, ndërsa bulevardi që vazhdon në Keramidnica do të quhet Brigada e 16.