Shkon në 539 numri i të prekurve me koronavirus në Shqipëri

TË FUNDIT

Task forca e Ministrisë së Shëndetësisë në Shqipëri në njoftimin e përditshëm bëri të ditur se në 24 orët e fundit janë konfirmuar 21 raste të reja, duke e çuar në 539 numrin total. Ndërkohë në 24 orët e fundit janë shëruar 6 pacientë, duke e çuar në 283 numrin. Ndërsa betejën me koronavirusin deri tani e kanë humbur 26 persona.

253 të testuar në 24 orë Në 24 orët e fundit janë testuar 253 persona të dyshuar me COVID-19. Nga rezultatet e testimeve janë konfirmuar 21 raste pozitive me COVID19. Nga rastet e reja 11 i përkasin Shkodrës dhe kemi 4 raste në Tiranë, 4 raste në Krujë dhe hartës i shtohet Kurbini me 2 raste.

Deri në këto momente janë testuar 5080 raste të dyshuara dhe prej tyre janë të konfirmuar pozitivë me COVID-19, 539 raste. 43 pacientë në dy spitale Ju informojmë se, në shërbimin infektiv aktualisht janë 35 të shtruar. 7 pacientë janë në terapi intensive. Në spitalin COVID 2 “Shefqet Ndroqi”, janë 8 pacientë të shtruar. 4 pacientë janë në reanimacion të intubuar, ndërsa 4 prej tyre janë në pavion.

Në dy spitalet COVID aktualisht po marrin shërbim 43 pacientë. Harta e të prekurve Harta e të prekurve nga COVID-19 shtrihet në Kurbin dhe zgjerohet në Tiranë, Shkodër dhe Krujë. Apeli për qytetarët Ministria e Shëndetësisë dhe Mbrojtjes Sociale u kërkon qytetarëve të vijojnë të respektojnë masat e distancimit social. Është e rëndësishme që masat e kontrollit të infeksionit duhet të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye, për të parandaluar transmetimin e COVID-19./oranews

MARKETING I PAGUAR POLITIK