Qyteti për fat të keq, nuk ka ingerenca mbi ndërtimet pa leje. Analiza tregon se ka rreth 140 objekte pa leje në territorin e Qytetit të Shkupit. Ju bëj thirrje institucioneve që ta kryejnë punën e tyre, deklaroi kryetari i Qytetit të Shkupit, Petre Shilegov në pyetjen gazetareske në fillim të rikonstruksionit të bul “Aleksandri i Madh”.
Për rrënimin e objektit afër QT Mavrovasja, ai thotë se, objekti mund të rindërtohet, përkatësisht të ndërtohet kafeneja që ishte më herët.
Ndryshe, objekti para QT Mavrovasja për tre ditë u rrënua ndërsa rrënimi filloi të mërkurën kur Qeveria i rekomandoi Komunës së Çairit dhe NP Rrugët e Maqedonisë të nënshkruajnë marrëveshje për rrënim.
Lidhur me përgatitjet për vitin shkollor 2020/2021, kryetari i Shkupit theksoi se ata mbledhin të dhëna nga shkollat dhe i dërgojnë në Ministrinë e Arsimit dhe Shkencës, afati i fundit është 10 shtator, për të marrë aprovimin për mësimdhënie me prani fizike. Ai tha se pëlqimi jepet nga komisioni dhe institucionet shëndetësore, nuk është vendim i kryetarëve të komunave. Ata po kryejnë një studim dhe sa fëmijë janë nga familje të pafavorizuara nga shoqëria dhe do të gjejnë një modalitet, tha ai, se si t’i ndihmojmë ata me pajisje IT dhe internet për të ndjekur mësimin onlajn.