Kush kujt i përzihet në punët e brendshme – Shkupi dhe Sofja me akuza të ndërsjella, pasi kryeministri Mickoski bëri thirrje që Bullgaria t’i respektojë aktgjykimet e gjykatës për të drejtat e njeriut në Strasburg për pakicën maqedonase. Pas kësaj, reagoi MPJ bullgare.
“Kryetari i qeverisë së Republikës së Maqedonisë së Veriut edhe një herë tregon njohuri të pamjaftueshme për vendimet e Gjykatës europiane për drejtat e njeriut. Në këtë mënyrë, me qëllim apo jo, promovon teza të rrejshme dhe manipuluese, që mund të kuptohen si përzierje në punët e brendshme të Republikës së Bullgarisë”, thotë MPJ e Bullgarisë
Nga MPJ u përgjigjën se aktgjykimet, për pakicën maqedonase në Bullgari janë të detyrueshme.
“Fqinji ynë përsëri përpiqet që përgjegjësinë për mosrealizimin e obligimeve të tyre ndërkombëtare t’ia hedhë shtetit tonë”, thotë MPJ .
Mickoski u ankua që shefi i diplomacisë bullgare, siç thotë, ka harruar se marrëdhëniet e mira mes fqinjëve janë vlerë europiane për dy vendet dhe vlerësoi se Bullgaria po përzihet në punët e brendshme të Maqedonisë.
“Nëse ndryshimi i Kushtetutës nuk është përzierje e drejtpërdrejtë në punët e brendshme të një shteti sovran dhe të pavarur, atëherë unë nuk e di se çfarë është kjo”, deklaroi Mickoski.
Kryeministri përsëriti se qëllimi strategjik i shtetit është anëtarësimi në BE, ndërsa paraprakisht MPJ e Bullgarisë reagoi se Mickoski e anashkalon propozimi francez duke e defokusuar opinion nga mungesa e reformave.