Shënohet viktima e nëntë nga koronavirusi në Kosovë, viktima e parë në Suharekë

TË FUNDIT

Edhe një person ka vdekur nga koronavirusi në Kosovë. Lajmin e ka konfirmuar Qendra Klinike Universitare e Kosovës përmes një shkrimi në Facebook, teksa ka bërë të ditur se viktima ishte pranuar me 10.04.2020, në gjendje të rëndë dhe kishte edhe probleme kardiake.

“Në Mjekimin Intensiv të Klinikës Infektive, mbrëmë pas mesnatës ka ndërruar jetë pacienti 69 vjeçar nga komuna e Sukarekës, i cili ishte pranuar me 10.04.2020, në gjendje të rëndë dhe kishte edhe probleme kardiake.”, thuhet në njoftimin e QKUK-së.

Lidhur me këtë rast i pari i Suharekës, Bali Muharremaj, ka konfirmuar se kjo është viktima e parë nga koronavirusi në këtë komunë.

“Konfirmohet vdekja e parë në Komunën e Suharekës nga Covid -19. Rasti është nga Semetishti dhe është i moshës 69 vjeçare. Familjarëve ju shprehim ngushllime. Ju ftoj të gjithëve që situatën ta kemi nën kontroll dhe të mos kemi panikë.”, shkroi ai në Facebook.