Presidenti Stevo Pendarovski, me rastin e festës së madhe islame, Fitër Bajramit, dërgoi urim deri te besimtarët myslimanë në Maqedoni dhe deri te kryetari i Bashkësisë fetare islame, Reis-ulema haf. Shaqir Ef. Fetahu.
“Në frymë të Ramazanit të dhurojmë, ndihmojmë dhe shpërndajmë vullnet të mirë. Pa marrë parasysh të përkatësisë fetare, etnike dhe politike të kemi mirëkuptim dhe respekt ndaj të gjithë qytetarëve tanë. Së bashku, të bashkuar dhe në mënyrë solidare të punojmë në progresin dhe mirëqenien e atdheut tonë të përbashkët Republikës së Maqedonisë së Veriut.”- shkruan Stevo Pendarovski, president i RMV-së.
Kryeparlamentari, Talat Xhaferi, në emër të tij dhe të deputetëve të Kuvendit dërgoi urim për ditën e parë të Fitër Bajramit. Ai qytetarëve myslimanë u dëshiroi shëndet të mirë, paqe shpirtërore dhe mentale.
“Ndjenja solemne dhe rrezatimi i ngrohtë depërton në zemrat dhe shtëpinë e secilit. Shpresoj se në periudhën që e lëmë pas, arritëm të nxjerrim më të mirën nga vetja. Se arritëm të ndajmë me të afërmit, me të njohurit dhe nevojtarët fjalë shprese, vepra solidariteti, respekti dhe mirëkuptimi, por mbi të gjitha, të ndajmë tryezën dhe gjithë që kemi.”- uron Talat Xhaferi, Kryeparlamentar.
Kryeministri Dimitar Kovaçevski, dërgoi telegram urimi deri te kreu i BFI, anëtarët e Risajetit dhe Myftenive, si dhe deri te gjithë qytetarët myslimanë.
“Gjatë kohës së sfidave të sigurisë dhe sfidave ekonomike në kontinentin europian, RMV është shembull unik për kultivimin dhe zhvillimin e traditave, feve, bashkësive të ndryshme. Përmes përcaktimeve të përbashkëta, me miqësi të sinqertë, të vazhdojmë me vendosjen e themeleve në raportet e ndërsjella.”- thotë Dimitar Kovaçevski, Kryeministër.
Dita e parë e Fitër Bajramit për të gjithë qytetarët në Maqedoni është ditë jo pune.