Këngëtari i mirënjohur nga Struga, Selami Kolonja pas 20 vjetësh është rikthyer në skenën muzikore në Shkup.
Ka mbajtur koncertin që ia ka dedikuar dashurisë.
“Në Shkup, me dhimbje them ndoshta shumë gjatë kohë. Kanë kaluar ndoshta 20 vite, në kohën kur është mbajtur festivali ‘Nota Fest'”, tha Selami Kolonja para mikrofonit të TV21.
Në intervistë për emisionin e pasdites “Pastel”, Kolonja ka folur edhe për periudhën në të cilën ka kaluar ai dhe kolegët e tij muzikantë, që kur është paraqitur virusi Covid-19.
Ka deklaruar, se kondicionin muzik ka arritur ta mbajë falë spektakleve televizive në Shqipëri, por fatin e tij nuk e kanë pasur edhe kolegët e tij. Disa, madje siç tha ai, kanë harruar edhe të këndojnë, krejt kjo për shkak të mbylljes.
“Për ne këngëtarët, periudha e pandemisë ka qenë shumë e vështirë. Pjesa e madhe e këngëtarëve që ne bashkëbisedojmë, më thonë se kanë harruar edhe të këndojnë, te unë jo, për shkak të spektaklit televiziv në Tiranë. Rregullisht kemi qenë në prova, incizime, xhirime televizive “live” dhe kjo na ka mbajtur në një farë mënyre në kondicion dhe prandaj mendoj se sonte ishim në formë”, tha Kolonja.
Për më shumë ndiqeni intervistën.