Sekretari shtetëror në Ministrinë e Kulturës Aziri takoi ish-ministrin e Kulturës së Kosovës Valton Beqiri

TË FUNDIT

Sekretari Shtetëror në Ministrinë e Kulturës së Republikës së Maqedonisë së Veriut, Valmir Aziri priti në takim ish Ministrin e Kulturës së Republikës së Kosovës, profesor dhe kompozitor i mirënjohur i veprimtarisë muzikore shqiptare, Valton Beqiri.

Gjatë kësaj pritjeje, siç njofton zyra për informim e sekretarit shtetëror, Aziri dhe kompozitori Beqiri biseduan rreth shumë ideve për të vazhduar bashkëpunimin e ndërsjellë me dëshirë dhe vullnet për të sjellë diçka të bukur dhe unike për dashamirët e muzikës klasike.

Aziri e falënderoi kompozitorin Beqiri për përkrahjen e parezervë që ia ka dhënë Ansamblit të Këngëve dhe Valleve Popullore Shqiptare në Republikën e Maqedonisë së Veriut duke e përgëzuar edhe për botimin e fundit të miniaturave për flaut dhe piano që u promovuan në fund të dhjetorit 2020 në sallën e Qendrës Kulturore Informative në Shkup. E tërë kjo, shtohet, me pikësynim të pasurojë edhe më tej literaturën muzikore të këtij formacioni ngase ky botim do të jetë në funksion të muzikantëve për shumë vite me radhë.

Aziri gjithashtu theksoi që Ministria e Kulturës do t’u qëndrojë pranë dhe do të vazhdojë t’i mbështesë të gjithë artistët që investojnë në pasurimin e ardhmërisë dhe traditës shqiptare, duke përkrahur drejtëpërdrejt ngritjen e cilësisë në kulturë.

error: Content is protected !!