Në Kuvend sot seanca do të mbajnë komisionet për çështje ekonomike, për sistem politik dhe marrëdhënie mes bashkësive dhe Komisioni juridik ligjdhënës.
Në rend dite të Komisionit për çështje ekonomike është Propozim-ligji për regjistrim të automjeteve me targa të huaja në territorin e Republikës së Maqedonisë së Veriut me procedurë të shkurtuar, në lexim të dytë, ndërsa para anëtarëve të Komisionit për sistem politik dhe marrëdhënies mes bashkësive është Propozim-ligji për ndryshime dhe plotësime të Ligjit për personat e paevidentuar në librin amë të të lindurve, me procedurë të shkurtuar në lexim të dytë.
Ky ligj është në rend dite edhe në Komisionin juridik-ligjdhënës, e cila do t’i shqyrtojë edhe Propozimin e ligjit për Buxhetin e Republikës së Maqedonisë së Veriut për vitin 2021, me procedurë të shkurtuar, në lexim të dytë dhe Propozim-ligji për regjistrim të automjeteve me targa të huaja në territorin e Republikës së Maqedonisë së Veriut, gjithashtu, me procedurë të shkurtuar në lexim të dytë.