“Rusino” mbyllet edhe për Gostivarin, deklarata e Nuredinit e pa pranueshme për protestuesit

TË FUNDIT

Deklarata e djeshme e ministrit të mjedisit Naser Nuredini se deponia Rusino do të mbetet ashtu edhe për disa vite, ka alarmuar Lëvizjen “Stop Rusino”. Aktivistët e kësaj lëvizje gjatë ditës së sotme kanë bllokuar deponinë duke mos lejuar kamionët e ndërmarrjes komunale të Gostivarit të hedhin mbeturina. Protestuesit gjithashtu kërkojnë që të martën në këshillin komunal në Gostivar të mos kalojë pika e rendit të ditës për themelimin e ndërmarrjes për menaxhim të Rusinos, sepse siç thonë kështu bien në ujë të gjitha kërkesat e tyre për mbylljen e deponisë.

“Deklarata e ministrit se kjo deponi patjetër të jetë deponi, dhe ne ketë e dimë se sot ose nesër nuk mund të mbyllet, por ne kërkojmë që sa më shpejtë dhe i gjithë qëllimi lëvizjes stop Rusino është që të mbyllet kjo dhe të gjendet lokacion i ri”, tha Anasatsia Dukoska.

“Nga sot rampa mbyllet edhe për komunën e Gostivarit me të vetmin qëllim që të kemi përkrahjen e Kryetarit të komunës dhe Këshillit komunal që mos kalon në këshill ndërmarrja. Të vonohet procedurë me të vetmin qëllim që kërkesa jonë që ishte e qartë që e din edhe kryetri i komunës”, u shpreh Fatbi Ilijazi.


Të martën do të protestohet në qytetin e Gotivarit , ndërsa për rreth 50 ditë anëtarët e kësaj lëvizje bëjnë roje në hyrje të kësaj deponie. Protestuesit kërkojnë që kjo deponi të mbyllet dhe të gjendet një lokacion i ri, ose në të kundërtën ata nuk do të tërhiqen nga kërkesat e tyre.

error: Content is protected !!