Antonio Rudiger iu bashkua Real Madridit si lojtar i lirë në qershor 2022, pasi përfundoi kontratën e tij me Chelsean.
Lojtari gjerman hodhi poshtë ofertat e njëpasnjëshme nga Chelsea dhe disa oferta nga klubet më të mira evropiane, për t’iu bashkuar Real Madridit.
Tani, Saif Rubie, agjenti i Rudigerit, ka rrëfyer se oferta e Real Madridit për lojtarin e tij të përfaqësuar ishte më e vogla financiarisht që ai mori, shkruan Marca, transmeton Klankosova.tv.
“Më lejoni ta konfirmoj këtë, drejtpërdrejt në transmetim, kontrata e Real Madridit ishte marrëveshja më e vogël e ofruar”, tha ai për talkSPORT.
“Kishte një klub në Angli që ofronte pothuajse dyfishin e shumës dhe një klub në Evropë që dyfishonte shumën”.
“Unë nuk do të diskutoj detajet. Të gjithë e dinë se kishte ekipe të interesuara për këtë lojtar. Ai është një nga më të mirët në botë”.
Rubie shpjegoi gjithashtu se udhëheqja e vjetër në Chelsea nuk u përpoq shumë për të mbajtur mbrojtësin gjerman, pavarësisht cilësisë së tij të padyshimtë.
“Po sikur t’ju thosha se Chelsea dhe regjimi i vjetër në thelb nuk bëri asnjë përpjekje për ta mbajtur lojtarin.”