Në Francë muajin e kaluar ka pasur një rritje rekorde të kërkesave për punësime të reja, si pasqyrë e përkeqësimit drastik të gjendjes me tregun e punës për shkak të karantinës gjatë pandemisë së koronavirusit të ri, komunikoi sot Qeveria në Paris.
Sipas Ministrisë franceze të Punës, në mars numri i aplikimeve për punësim nga qytetarët është rritur për 246.100, që është kërcimi më i madh që kur këto të dhëna filluan të regjistroheshin në vitin 1996.
Kërkesat e qytetarëve për pagesa të kompensimeve për të papunët është rritur për 7.1 për qind, publikoi Ministria./MIA