Në Gjermani sot është regjistruar numër më i lartë i njerëzve të sapo infektuar me koronavirus brenda një dite – 23,542, sipas të dhënave nga Instituti “Robert Koh”.
Kancelarja gjermane Angela Merkel të hënën do të flasë me guvernatorët e shteteve federale në lidhje me futjen e masave të reja.
Gjermania më 2 nëntor nisi me karantinë të pjesshme katër-javore, ndërsa qëllimi është të zvogëlohet rritja drastike e infeksioneve të reja.
Restorantet, baret, objektet sportive dhe argëtuese janë të mbyllura, por shkollat dhe dyqanet janë të hapura.
Përfaqësuesit zyrtarë thonë se është akoma herët për të përcaktuar nëse masat e reja po e japin efektin e dëshiruar.