Ministri në detyrë i Integrimit Evropian Blerim Reka, në Ditën e Evropës tha se deklarata e Schuman e 9 majit shënoi rrugën jo vetëm për tregun e përbashkët por, edhe për vlerat e përbashkëta. Në urimin e tij për këtë ditë Reka tha se Evropa nuk është e plotë as pas 7 dekadave. “Bashkimi Evropian është një projekt paqeje e zgjerimi i tij një gjeopolitike unifikuese që bashkoj Evropën e ndarë. Por, Evropa nuk është e plotë as pas 7 dekadave”, tha Reka, Reka tutje u shpreh se për Kosovën anëtarësimi në BE mbetet orientimi strategjik. “Për Kosovën anëtarësimi në BE mbetet orientimi strategjik jo për shkak të Brukeslit por për ne e fëmijët tanë. Anëtarësimin tonë në BE nuk e bëjmë pse e kërkon politika dhe teknika por pse kërkojnë shumica e qytetarëve”, theksoi Reka. Reka shpreson se vitin e ardhshëm këtë ditë “ta festojmë së bashku me evropianët tjerë, Evropë urime ditëlinja”. /21Media