Regjistrimi, mërgata përballet me probleme! Enti për Statistika: Së shpejti do të rregullohet gjithçka

Sapo filloi faza e parë e regjistrimit të popullsisë, mërgimtarët janë përballur me një sërë ankesash e probleme gjatë regjistrimit. Një nga problemet kryesore gjatë regjistrimit është se sistemi nuk ua pranon të dhënat, më saktësisht numrin amë. E disa të tjerë janë ankuar se platforma zyrtare online e Entit Shtetëror të Statistikave nuk funksionon.

 “Menjëherë fillova që të regjistrohem, por problemi që më është paraqitur mua është që kur e regjistroj numrin amë, nuk e pranon, thotë se është gabim numri amë. Unë nuk kam numër tjetër amë, e kam vetëm atë”, tha Mexhit Selmani.

Ndërkohë drejtori i Entit Apostoll Simovski tha se procesi i regjistrimit online të diasporës po rrjedh pa ndonjë problem të theksuar.

 “Informatat e mija flasin se aplikacioni është funksional gjatë gjithë kohës, dhe se mërgimtarët po regjistrohen. Qasja deri tek aplikacioni është shumë i thjeshtë, në faqen tonë të internetit deri tani kemi njoftim se në vazhdimësi ka regjistrim të shtetasve tonë që jetojnë jashtë vendit. Nuk e di nëse ka probleme të theksuara, por në faqen tonë të gjithë mund të paraqiten në rast se kanë probleme, por unë kam informata se regjistrimi po rrjedh pa kurrfarë problemi. 02.49-55 Kishte një problem me numrat amë me personat që janë lindur pas vitit 2000 por ai problem është tejkaluar”, u shpreh Apostoll Simovski – drejtor i Entit për Statistikë.

Diaspora ankohet se përse klasifikimet gjatë regjistrimit janë vetëm në gjuhën maqedonase dhe jo edhe në shqip. Simovski  arsyetoi se ishte e pamundur të përkthehen të gjitha klasifikimet që kërkohen gjatë regjistrimit, e madje shtoi se këtë nuk e bëri as Agjencia për zbatimin e gjuhëve.

 “Në të gjitha klasifikimet që i përdorim janë në gjuhën maqedonase sepse janë shumë të mëdha dhe askush në vend nuk mund t’i përkthej. Ata ndërrohen në dy vite. 04.16 Ishte e pamundur të përkthehen sepse bëhet fjalë edhe për terminologji profesionale dhe asnjë Agjenci bile as Agjencia për zbatimin e gjuhëve nuk  morri përgjegjësin për ta bërë”, shtoi Simovski.

Zv/drejtori i Entit për Statistika, Ilmi Selami ka shpjeguar se sistemi i regjistrimit ka pasur probleme teknike me numrat amë që fillojnë me 0, por shton se së shpejti do të rregullohet ky problem. Regjistrimi i mërgimtarëve do të bëhet në bashkëpunim me Ministrinë e Jashtme, për çka është paraparë realizohet edhe fushatë për motivimin e mërgimtarëve tanë për tu regjistruar.