Kryeministri i Shqipërisë, Edi Rama në Strasburg do t’i drejtohet me një fjalim Asamblesë së Këshillit të Europës.
Fjalimi i kreut të ekzekutivit shqiptar është i parashikuar në orën 15.30, dhe pritet që Rama t’i kërkojë përfaqësuesve europianë mbështetje për ngritjen e një raporti që hedh poshtë atë të njohur të Dick Marty mbi krimet e luftës në Kosovë, ku ndër akuzave të shumta edhe ndaj liderëve të UÇK, më e njohur është ajo e trafikut te organeve të kundërshtarëve serb por edhe shqiptarë.
Në fund të shtatorit, Rama përmendi Marty në fjalimin e tij në Kombet e Bashkuara. Aty, teksa cilësonte raportin e Marty si “manifest i propagandës mbarëbotërore kundër pavarësisë së Kosovës”, kryeministri shqiptar deklaroi se shpresonte që Asambleja e Këshillit të Europës do të pranonte kërkesën e Shqipërisë për një raport vijues, “duke rikthyer besueshmërinë e këtij institucioni.