Qytetarët të kënaqur me hapjen e kafeneve, përveç klientëve, i vizituan edhe inspektorët!

Fatbardha Curri, gazetare:
“Rruga “Maqedonia” sot është gjallëruar, për faktin se kafenetë kanë lëshuar muzikën dhe kanë hapur dyert, të gatshëm për t’i pritur klientët e parë”.

Hapja e kafeneve i ka takuar serish këta dy të moshuar pas tre muajve. Për këtë ata janë të lumtur, sepse sërish do të mund ta pinë kafe bashkë. 0753

Të Moshuarit:
-“Mirë është që u hapën”
TV21: Prej kur nuk u patë me mikun?
-“Ka tre muaj, që kur hymë në karantinë. Tash është super”

Në shumë kafene keni mundësi të uleni në shoqërinë e një personi tjetër, sepse tryezat kanë nga dy karrige. Edhe pse kishte klient e që pinin kafenë të vetëm, vlerësonin se hapja e kafeneve do t’i socializojë qytetarët.
Klient:
-“Po, kisha nevojë, normal dhe është mirë që u hapën dhe mirë është që janë në distancë”.
TV21: A i keni të qarta rregullat?
-“Janë të ngjitura në derë dhe kudo që shkoni, sa vërejta kushtet janë të qarta, ka distancë, por duhet të socializohemi, sepse na duhej socializim se ishte mjaftë nga karantina”.
TV21: Ju bëftë mirë kafja!

Por jo të gjithëve u kishte ecur mbarë që në ditën e parë, disa lokale nuk kishin pasur fare klientë. Se a ishte kjo për shkak të paqartësive në protokoll? Ata thonë duhet të pritet edhe pak kohë!

TV21: A kishit myshteri?
Punojnjësit: “Tash për tash jo”
TV21: Protokollet a i keni të qartë?
Punojnjësit: “Tash për tash të qartë janë. Duhet t’i kemi të qarta. Tash duhet të shohim si do të shkojë”.

Hapja e kafeneve kishte mobilizuar mirë punëtorët, kjo sepse sapo largohej klienti, ata e dezinfektonin hapësirën dhe derën e kafenesë.Përveç klientëve, mysafirë në lokale kishin qenë edhe inspektorët e tregut të cilët në këtë lokal kishin vërejtur disa lëshime, të cilat i hasi edhe kamera e TV21, e që është tre persona në një tryezë.

“Pak më herët ishin inspektorati i tregut, kontrolluan, ishte gjithçka në rregull dhe na i thanë disa mangësi, por do t’i zbatojmë masat ashtu siç na i rekomandoi Qeveria. Na i kanë dhënë masat, do t’i respektojmë. Tavolinat i kemi ndarë në dy metra, gjithçka është rregulluar sipas rregullores, personeli është i mbrojtur, janë mbrojtur edhe klientët dhe objekti”, tha Goran Bllazhevski, pronar kafeneje.

Ishin hapur edhe restorantet që funksiononin në formë banaku, por për të marrë shërbimin klientët duhet të mbanin maskë. Restorantet tjera ishin të mbyllura.

Për këtë pronarët e kafeneve mendojnë se Qeveria duhet t’i lehtësojë masat dhe të mendojë edhe për ata që i kanë hapësirat e vogla dhe nuk mund t’i mbajnë distancën e tavolinave. Përveç distancës, sipas protokollit të Qeverisë parashihet që kafenetë të:

• Të punojnë nga ora 8 e mëngjesit deri në ora 10 të natës, kamerierët të mbajnë maskë, të shërbehet vetëm në verandë, klientët hynë në kafene nëse ka tryeza të lira, nuk lejohet të shërbehen në banak, një person i pret dhe i përcjell klientët, tryezat duhet të qëndrojnë prej 1.5 metra në distancë, në tavolinë mund të qëndrojnë nga dy veta, deri në 4 nëse janë familjarë, mjete dezinfektues të ketë në çdo tavolinë, kurse punëtorët duhet ta mirëmbajnë higjienën personale dhe të dezinfektojnë pas çdo shërbimi të klientit.
• Të njëjta masa vlejnë edhe për restorantet, por dallon ajo sepse në tavolina të ngjitura mund të shërbehen deri në 12 persona, por që do të jenë në distancë prej 1.5 metra.

Si në kafene edhe në restorante ndalohet rreptësishtë organizimi i ahengjeve kjo për të shmangur tubimet e njerëzve.

Megjithatë mbetet kontradiktore se si mundet që në një tavolinë të mos munden të ulen më shumë se dy persona, e në autobusët e transportit publik të Shkupit qarkullojnë numër i madh i qytetarëve, pa distancë dhe pa maska.