Qeveria kërkon 400 zjarrfikës për pagë prej 24,000 denarëve! Ekspertët: Të rinjtë interesohen që sa më shpejtë të fitojnë para

Deri në 24 mijë denarë për angazhim sezonal të 400 zjarrfikësve, ndihmë për komunat në ballafaqim me zjarret gjatë verës. 600 punëtorë për punë publike të cilët do t’i ndihmojnë komunave duke punuar nga 4 orë, për 800 denarë në ditë me kohëzgjatje prej 30 ditëve. Këto janë vetëm një pjesë nga masat e Planit operativ për punësim të qeverisë me të cilin planifikon që të rinjtë të cilët janë pa punë t’i mbajë në vend.

“Kur bisedoni me të rinjtë, të gjithë kemi familje dhe fëmijë, ata interesohen për përfitim më të shpejtë parash. Mbaroi koha kur ishim ne, unë kur isha i ri, dëshira ime ishte që të bëhem bankier për 10 mijë denarë dhe të pres me vite për të përparuar. Tani të rinjtë nuk e bëjnë këtë. Ju keni, nuk e di se si ia dilni ju, por te ne vazhdimisht të rinjtë largohen, vijnë, largohen, vijnë. Nëse ne nuk përshtatemi, ne e shohim kohën e re”, tha Sinisha Naumoski, profesor universitar.

Për problemin me mungesën e forcës punëtore, biznesi alarmon që moti. Përpjekja për angazhim të punëtorëve nga jashtë nuk jep rezultate. Qeveria me ndryshime ligjore në përpjekje që edhe pensionistët, studentët, rastet sociale dhe të rinjtë mbi 15 vjet të vendosen në tregun e punës, pa i humbur të drejtat për pension dhe ndihmë sociale. Por ekspertët paralajmërojnë se gjithnjë e më shumë bie numri i punëtorëve në vend.

“Klithma është se nuk ka punëtorë. Dhe nuk do të ketë, në të ardhmen gjithnjë e më shumë do të mungojnë.  Maqedonia seriozisht duhet ta pozicionojë këtë, sepse lufta e ardhshme ekonomike, do të jetë përmes punëtorëve produktivë. Punëtor produktiv sa mund të jetë pensionisti. Unë qeshem shpeshherë, nëna ime ishte inspektore e mirë, është në pension, ta kthejmë, ajo nuk e ka energjinë si para 30 viteve”, shtoi Sinisha Naumoski, profesor universitar.

Me planin operativ këtë vit do të shpenzohen 40 milionë euro për punësim të 16.500 personave. Sot masat u prezantuan në Prilep. Në të ka para edhe për vetëpunësim, nga 10 mijë euro mjete të pakthyeshme për hapjen e biznesit për të rinjtë deri në 29 vjet. Me bashkim të dy personave që cilët në mënyrë aktive kërkojnë punë, shuma mund të arrijë deri në 14 mijë euro ose 20 mijë.

Plani parasheh edhe trajnime dhe rikualifikime, shtesë për të rinjtë deri në 23 vjet nga 50 euro të cilët do të punojnë në prodhimtari. Vazhdon edhe masa për përkrahjen e punëdhënësve. Gjatë punësimit të të rinjve deri në moshë 29 vjeç mund të marrin deri në 250 mijë denarë për person.