Qeveria flet për ulje çmimesh, qytetarët nuk ndjejnë zbutje të krizës

Qeveria flet për ulje çmimesh, por qytetarët nuk e ndjejnë këtë ulje. Thonë se zbritja  e çmimeve për 3 ose 4 denarë nuk i ndihmon ata në përballimin e krizës.

“Jo. Aspak? Jo, aspak.”

“Nuk ka ulje të çmimeve, çfarë ulje? Ja tani bleva mandarina aq sa ishin, edhe patatet, njëjtë dhe mishi. I dëgjoj se çfarë thonë por ashtu ju konvenon atyre. Ka njerëz me paga shumë më të ulëta dhe nuk e di si ia dalin. Unë marr 25/6 mijë denarë dhe mezi ia dal. Menjëherë 5/6 mijë më shkojnë për shpenzime të banesës e pastaj për të ngrënë, çfarë?”

“Jo nuk ka ulje të çmimeve. Ia dalim disi ne si pensionist nuk është se na duhet shumë. Për të rinjtë më rënd, prandaj edhe po migrojnë. Por, kjo është jeta do ta shtyjmë disi.”

“Jo, assesi. Unë nuk kam parë. Ah po, buka është liruar për 3, 4 denarë dhe vaji diku për 20 denarë që e kam vënë re unë tjetër jo.”

“Uljen? Jo aq. Nuk është e dukshme, tani për tani nuk është e dukshme në përgjithësi. Nëse shkon për të blerë diçka ndoshta shumë pak.”

Sipas të dhënave të Entit Shtetërorë Statistikor shpenzimet e jetës së qytetarëve në dhjetor të vitit 2022 janë rritur për 18.7% krahasuar me të njëjtin muaj të vitit 2021.