Presidenti rus Vladimir Putin tha të premten se do të lejonte vullnetarët të luftonin kundër forcave ukrainase dhe miratoi dorëzimin e sistemeve të raketave perëndimore të kapura te luftëtarët e mbështetur nga Rusia, transmeton RFE.
Ministri rus i Mbrojtjes Sergei Shoigu propozoi dorëzimin e sistemeve antitank të prodhimit amerikan si Javelin dhe Stinger për luftëtarët nga rajonet Luhansk dhe Donetsk.
Putin, duke folur në një takim të këshillit rus të sigurisë, tha se ai e mbështet një ide të tillë.
Ai tha gjithashtu se ata që dojnë të dalin vullnetarë për të luftuar me forcat e mbështetura nga Rusia duhet të lejohen.
Shoigu tha se kishte 16,000 vullnetarë në Lindjen e Mesme që ishin gati të vinin për të luftuar me forcat e mbështetura nga Rusia.